Rusiya NATO-nun Ukraynada kontingent yerləşdirməsinə icazə verə bilməz və öz təhlükəsizliyini təmin etmək üçün lazım olan hər şeyi edəcək.

Gündəm24.az xəbər verir ki, bu barədə jurnalistlərə Rusiya Prezidentinin mətbuat katibi Dmitri Peskov bildirib.

“NATO-nun Ukraynaya daxil olmaq cəhdi ölkəmiz üçün təhlükə yaradır. Buna görə də biz sərhədlərimizin yaxınlığında, Ukrayna torpağında xarici silahlı qüvvələrin, NATO silahlı qüvvələrinin mövcudluğunu təhlükə hesab edirik. Bu, bizim üçün təhlükədir, çünki NATO Rusiyanı düşmən hesab edir, bu, onların sənədlərində əks olunub. Biz buna icazə verə bilmərik. Təhlükəsizliyimizi təmin etmək üçün lazım olan hər şeyi edəcəyik”, - o deyib.

Kreml nümayəndəsi vurğulayıb ki, bir ölkənin təhlükəsizliyini başqa bir ölkə üçün təhlükə yaratmaqla təmin etmək olmaz.

“Biz anlayışımıza görə, bu, münaqişənin həllinə yaxınlaşmağa kömək etməyəcək”, - Peskov Şərq İqtisadi Forumu çərçivəsində jurnalistlərin suallarını cavablandırarkən əlavə edib.

Oxunub: 52