Ukrayna prezidenti Volodimir Zelenski Rusiya lideri Vladimir Putinin Moskvada ikitərəfli görüş keçirmək barədə “təklifinə” münasibət bildirib.

Gündəm24.az “RBC-Ukrayna”ya istinadən xəbər verir ki, Zelenski bu fikirləri Parisdə “istəklilər koalisiyası”nın görüşündən sonra keçirdiyi mətbuat konfransında səsləndirib.

“Amerikalı tərəfdaşlarımız dedi ki, Putin məni Moskvaya dəvət edib. Məncə, əgər görüşün baş tutmamasını istəyirsinizsə, məni Moskvaya dəvət edin”, – Zelenski deyib.

Dövlət başçısı əlavə edib ki, əgər Rusiya görüş barədə danışmağa başlayıbsa, bu, artıq müsbət siqnaldır.

“Amma hələ biz onların müharibəni dayandırmaq niyyətini görmürük. Yetkin liderlər belə bir görüşü hansısa nəticə ilə, ən yaxşısı isə müharibəni bitirməklə tərk etməlidirlər”, – Zelenski vurğulayıb.

Xatırladaq ki, sentyabrın 3-də Putin Zelenski ilə görüşü “istisna etmədiyini” açıqlayıb.

“Mən Zelenski ilə görüşü istisna etmirəm. Amma bu görüşün hansısa mənası varmı? Əgər istəyirsə, qoy gəlsin Moskvaya, görüşərik”, – Rusiya lideri bildirib.

Mövlam RZALI,
Gündəm24.az

Oxunub: 58