İran Prezidenti Məsud Pezeşkian “barışdınız” dedikdə, Rusiyanı yox, Ermənistanı nəzərdə tuturdu. Rusiya Azərbaycanla münasibətləri düzəltməyə çalışır, bu aydın görünür. Çünki gərginliyin səbəbkarı Kreml idi. Ancaq əlinə dividend keçmədi və anladı ki, şantajla heç nəyə nail ola bilməyəcək. İndi isə münasibətləri təmir etməyə çalışır və bu yaxşıdır. Özləri öz səhvlərini düzəldirlər.

Gündəm24.az xəbər verir ki, bu sözləri iqtisadçı ekspert Natiq Cəfərli bildirib.

Ekspert qeyd edib ki, indi Azərbaycan Rusiya üçün Rusiyanın Azərbaycan üçün oynadığı roldan daha önəmli vəziyyətdədir: "Çünki Cənub-Şimal dəhlizinin ana xətti Azərbaycandan keçəcək. Rusiya İrana ildə 50 mlrd. m3 qaz satmaq istəyir və boru Azərbaycandan keçməlidir. Azərbaycan və Türkiyənin stateji müttəfiqliyi isə Kremldə bəzi “isti başları” soyutmağa yetər. pizza

Türkiyə Rusiya üçün “nəfəslik”- Qərbə yoldur. Çünki “Türk Axını” ilə qazını premium qiymətlə Avropaya Türkiyə vasitəsi ilə satır və hər il 10-11 mln. rusiyalı Türkiyədə dincəlir. Rusiyalılar hər şeyə dözər, amma Antalyaya getməsələr, inqilab edərlər".

"Bir sözlə, coğrafiyamız taleyimizdir. Şimalda kobud, beynəlxalq hüququ çeynəyən qonşumuz var. Bərabərhüquqlu münasibətlər istəsələr, eyvallah, normal münasibətlərdən hamı qazanar”, - deyə Cəfərli qeyd edib.

Oxunub: 39