Ukrayna prezidenti Volodimir Zelenski Rusiya ilə bağlı yeni açıqlama verib.

Gündəm24.az xəbər verir ki, o, Moskvanın davamlı hücumlarına cavab veriləcəyini bəyan edib.

“Rusiya zərbələr endirməkdə davam edir. Biz buna cavab verəcəyik. Cavablarımız, o cümlədən asimmetrik olacaq ki, Rusiya öz həyasızlığının nəticələrini mütləq hiss etsin”, – deyə Zelenski bildirib.

Ukrayna lideri qeyd edib ki, ölkəsi bütün imkanlardan istifadə edərək Rusiya tərəfindən həyata keçirilən hücumların qarşısını alacaq və işğalçının cavabsız qalmayacağına əminlik yaradacaq.

Zelenskinin sözlərinə görə, müharibənin gedişatı göstərir ki, Kreml hələ də Ukraynanı məğlub edə bilmir, lakin dinc şəhərlərə və mülki infrastruktura zərbələr endirməklə təzyiq göstərməyə çalışır.

“Onlar yalnız dağıtmaqla məşğuldur. Biz isə ölkəmizi müdafiə edirik və mütləq qalib gələcəyik”, – o əlavə edib.

Mövlam RZALI,
Gündəm24.az

Oxunub: 206