ABŞ prezidenti Donald Tramp bəyan edib ki, Qəzza zolağında davam edən hərbi əməliyyatlar İsrailə daha çox zərər vurur və ölkənin maraqlarına, xüsusilə də beynəlxalq ictimaiyyətin münasibətinə mənfi təsir göstərir.

gundemtv.az xəbər verir ki, Tramp The Daily Caller portalına müsahibəsində bildirib: “Onlar bu müharibəyə son qoymalı olacaqlar, çünki bu, İsrailə zərər vurur, bunda heç bir şübhə yoxdur. Ola bilsin, onlar müharibəni qazanırlar, amma ictimai rəy savaşını uduzurlar. Bu, onlara ciddi ziyan vurur”.

Tramp əlavə edib ki, İsrailin Yaxın Şərqdəki addımları ölkənin ABŞ Konqresindəki mövqeyini də zəiflədir: “Onların Konqres üzərində tam nəzarəti var idi, amma indi yoxdur. Açığı, buna bir az təəccüblənirəm”.

Əli Səfərli,
gundemtv.az

Oxunub: 29