Ukrayna Silahlı Qüvvələri Rusiya ordusunun Pokrovsk yaxınlığında həyata keçirdiyi irəliləyiş cəhdini dayandırıb.

Gündəm24.az xəbər verir ki, OSINT layihəsi DeepState-in məlumatına görə, döyüşlər əsasən Zolotoy Kolodez, Vesyoloye, Rubejnoye və Nikanorovka kəndləri ətrafında gedib.

Conflict Intelligence Team bildirir ki, hücumun qarşısı elit bölmələrin, o cümlədən “Azov” briqadasının cəbhəyə göndərilməsi hesabına alınıb.

The Washington Post yazır ki, Kiyev üçün cəbhənin sabitləşdirilməsi xüsusilə ABŞ Prezidenti Donald Tramp və Rusiya Prezidenti Vladimir Putinin Alyaskadakı görüşündən öncə strateji əhəmiyyət daşıyırdı.

Ekspertlərin qiymətləndirməsinə görə, bəzi rus bölmələri mühasirədə qalıb. ISW (Müharibəni Öyrənmə İnstitutu) isə Rusiya qüvvələrinin həmin istiqamətdə taktiki üstünlüyü tam əldə etməsi barədə məlumatları təsdiqləmir. Bununla belə, təhlükə qalmaqda davam edir.

Səmra İSMAYIL,
Gündəm24.az

Oxunub: 50