Rusiyanın Yekaterinburq şəhərindəki 1 saylı İstintaq Təcridxanasından terrorçuluqda ittiham olunan iki xüsusilə təhlükəli cinayətkar qaçıb.

Qaçan məhbuslar Yekaterinburqun Kirovski və Oktyabrski rayonlarında hərbi komissarlıqları yandırmağa cəhd etdiklərinə görə 2024-cü ildən həbsdə olan 24 yaşlı Aleksandr və 25 yaşlı İvandır.

İlkin araşdırmalardan sonra məlum olub ki, onlar kameranı gecə saat 2:40-da tərk ediblər. 

"Onlar binadan kilsənin damına, kilsədən Federal Penitensiar Xidmətin damına, oradan isə Daxili İşlər Nazirliyinin xəstəxanasının damına çıxıblar. Sonra İvanovskoye qəbiristanlığı istiqamətində gözdən itiblər", - Rusiya mediası yazır.

Onlar müharibədəyə getməkdən yayınmaq üçün hərbi komissarlıqları yandırmağa cəhd edərkən saxlanılıb və məhkəmə qərarını gözləmək üçün Uralın ən məşhur istintaq təcridxanası olan və Sovet dövründə ölüm hökmlərinin icra edildiyi 1 saylı İstintaq Təcridxanasına göndəriliblər. 

Hər iki məhbus zona köçürülmələrini gözləyirdilər. 

Xatırladaq ki, Rusiyanın Sverdlovsk vilayətində saxlanılan Azərbaycan diasporunun rəhbəri Şahin Şıxlinski də həmin təcridxanadadır. 

O, hazırda Yekaterinburqdakı 1 saylı istintaq təcridxanasında təkadamlıq kamerada saxlanılır.//savashmedia

Oxunub: 195