Bir neçə gün öncə Rəşad Dağlının həbsxanadan yayılan görüntülərini təqdim etmişdik. Məşhur meyxanaçının görüntüləri yayıldıqdan sonra sosila mediada geniş bir müzakirə mövzusu ortaya çıxıb.

Rəşad Dağlı həbsxanadan telefonla necə görüntülü olaraq necə zəng edib?

gundemtv.az xəbər verir ki, "Künc-bucaq" yutub kanalına açıqlamasında vəkil Emil Aslanov sözügedən məsələ ilə bağlı izah verib.

Vəkil bildirib ki, Azərbaycan qanunvericiliyinə əsasən müəyyən müddətə azadlıqdan məhrum etmə növündə cəzaya məhkum edilmiş şəxslər həftədə iki dəfə, ömürlük azadlıqdan məhrum etmə növündə cəzaya məhkum edilmiş şəxslər isə həftədə bir dəfə müddəti on beş dəqiqə olmaqla telefonla danışmaq və ya videogörüş keçirmək hüququna malikdirlər.

"Rəşad Dağlının videogörüntüləri ilə bağlı deyə bilərik ki, məhkumlar öz yaxın qohumları ilə telefon danışığı və videogörüş əldə etmək hüququna malikdirlər. Bunu Cəzaların İcrası Məcəlləsinin 84-cü maddəsində də qeyd edildiyi kimi, müəyyən müddətə azadlıqdan məhrumetmə növündə cəzaya məhkum edilmiş şəxslər həftədə iki dəfə, ömürlük azadlıqdan məhrumetmə cəzasına məhkum edilmiş şəxslər isə həftədə bir dəfə 15 dəqiqə olmaqla telefonla danışmaq və ya video görüş keçirmək hüququna malikdirlər",-deyə Emil Aslanov bildirib.

Vəkil son olaraq sözügedən telefon zənglərinin ödənişləri barədə də danışıb: "Şəhərlərarası telefon danışıqlarının haqqı məhkumun şəxsi vəsaiti hesabına və ya onun yaxın qohumları tərəfindən də ödənilir. Texniki imkanlar olmadıqda isə bir telefon danışığı və ya bir video görüş qısamüddətli görüşlə əvəz edilir".

Oxunub: 136