Rusiya hökuməti benzin ixracına qoyulan qadağanı uzadıb. Məlumata görə, qadağa 30 sentyabra qədər tam tətbiq ediləcək və həm birbaşa istehsalçılara, həm də adi pərakəndə satıcılara şamil olunacaq.

1 oktyabrdan etibarən yalnız birbaşa istehsalçılar benzin ixrac edə biləcək, istehsalı olmayan ixracçılar isə bu hüququ 1 noyabrdan əldə edəcəklər. Hazırkı qadağa əvvəlcə 31 avqustda bitməli idi. Qadağa fevral ayında adi pərakəndə satıcılara, iyul ayında isə istehsalçılara da şamil olunmuşdu.

Meduza xəbər verir ki, bu yay Rusiyada topdansatış benzin qiymətləri rekord səviyyəyə çatıb. Bunun səbəbləri arasında ənənəvi mövsümi amillərlə yanaşı, Ukrayna Silahlı Qüvvələrinin enerji infrastrukturlarına etdiyi tez-tez hücumlar da göstərilir. Reuters hesablamalarına görə, bu hücumlar Rusiya neft emalı gücünün 17%-ni pozub.

Əli Səfərli,
gundemtv.az

Oxunub: 658