ABŞ prezidenti Donald Tramp Avropa İttifaqından Rusiyaya təzyiqi artırmaq məqsədilə Çin və Hindistandan idxal olunan bəzi mallara 100%-ə qədər tarif tətbiq etməsini tələb edib.

gundemtv.az xəbər verir ki, Financial Times da bu iddiaları dəstəkləyən mənbələrə istinad etmişdi. Həmçinin, bu ayın əvvəlində Reuters və Bild məlumat vermişdi ki, Vaşinqton AB-ni rus enerjidaşıyıcılarını almaqdan imtina etməyə də məcbur etməyə çalışır. ABŞ Energetika Naziri Kris Rayt bu məlumatı təsdiqləyib.

Lakin WSJ-ın Avropa mənbələri bildirir ki, AB tarifləri digər ölkələrə təzyiq vasitəsi kimi istifadə etmir. Eyni zamanda, blokun neft və qaz alışlarını məhdudlaşdıran addımlar atacağı ehtimalı azdır, çünki bu, Avropa daxilində siyasi baxımdan həssas bir məsələdir.

Əli Səfərli,
gundemtv.az

Oxunub: 119