Ukrayna mətbuatı Ali Radanın sabiq spikeri, deputat Andrey Parubinin qətli ilə bağlı yeni iddialar yayıb. “Високий замок” qəzeti istinad etdiyi mənbələrə əsaslanaraq yazır ki, şübhəli şəxsin şəxsi faciəsi Rusiyanın xüsusi xidmət orqanları tərəfindən istifadə olunub.

gundemtv.az xəbər verir ki, məlumatlara görə, təxminən bir il əvvəl şübhəlinin oğlu itib. Rusiya tərəfi isə ona oğlunun cəsədini qaytarmaq vədini verərək, bunun müqabilində tanınmış ukraynalı siyasətçilərdən birini öldürməyi tələb edib. Şübhəli isə Parubiyini seçib, çünki onun harada yaşadığını bilirmiş.

İddialara görə, kişi qətl üçün bir il hazırlıq görüb. Silahı ona Rusiya xüsusi xidmət orqanları təqdim edib. Qaçış planı üçün isə birdən-birə üç avtomobil hazırlayıb.

Cinayətdən sonra şübhəli silahı və mobil telefonunu su hövzəsinə atıb, geyimlərini isə Lvov yaxınlığında meşədə yandırıb.

Əli Səfərli,
gundemtv.az

Oxunub: 25