Rusiya baş nazirinin müavini Aleksey Overçuk bəyan edib ki, Ermənistan Avrasiya İqtisadi İttifaqı (Aİİ) ilə Avropa İttifaqı (Aİ) arasında seçim etmək məcburiyyətində qaldığı halda, qərar qəbul etməzdən öncə bütün amilləri diqqətlə dəyərləndirməlidir.

gundemtv.az xəbər verir ki, Overçuk bu barədə Ermənistan rəhbərliyinin son açıqlamalarına münasibət bildirərkən deyib: “Baş nazir Paşinyan yaxınlarda qeyd etdi ki, eyni zamanda həm Aİİ, həm də Aİ üzvlüyü mümkün deyil. Əgər belə bir qərar gündəmə gələrsə, mən əminəm ki, müxtəlif istiqamətlərdə təsir göstərən bütün amillər nəzərə alınacaq”.

Xatırladaq ki, ötən həftə Ermənistan baş naziri Nikol Paşinyan Yerevanın həm Aİİ, həm də Aİ-də eyni vaxtda üzvlüyünün qeyri-mümkün olduğunu bildirmişdi: “Seçimin qaçılmaz olduğu məqam yetişəndə, biz müvafiq qərar qəbul edəcəyik”, – deyə o vurğulamışdı.

Əli Səfərli,
gundemtv.az

Oxunub: 31