Xəbər verildiyi kimi, dünən İsrailin müdafiə naziri İsrael Katz HƏMAS ordusunun sözçüsü Əbu Ubeydənin Qəzzada öldürüldüyünü açıqlayıb.

Gündəm24.az xəbər verir, bu gün Fələstin mediası HƏMAS-ın hərbi qanadı "İzzəddin Əl-Qəssam"ın sözçüsü Əbu Ubeydənin ölümü ilə bağlı yeni detalları açıqlayıb.

Məlumatda bildirilir ki, məşhur komandir İsrailin həyata keçirdiyi hava hücumu nəticəsində həyatını itirib.

Həlak olanlar arasında onun həyat yoldaşı, uşaqları və 40-dan çox ailə üzvü də var.

Qeyd edək ki, Əbu Ubeydə 7 Oktyabr hadisələrində iştirak etmiş HƏMAS-ın əsas hərbi rəhbərliyindən sağ qalan son böyük liderlərdən biri idi.

Mövlam RZALI,
Gündəm24.az

Oxunub: 19