Avropa Komissiyası Ukraynanın müharibədən sonrakı bərpa işlərinə dəstək məqsədilə dondurulmuş Rusiya aktivlərinin təxminən 200 milyard avro dəyərində hissəsini Kiyevə köçürmək planı hazırlayır.

Gündəm24.az xəbər verir ki, bu barədə "Politico" nəşri məlumat yayıb.

Mənbələr bildirirlər ki, bu təşəbbüs yalnız Ukraynanın bərpa işlərinə maliyyə dəstəyi vermək məqsədilə deyil, həm də Moskvanın müharibə zərərlərinə görə təzminat ödəməkdən imtina etməsinə cavab olaraq həyata keçirilə bilər. Yəni, Avropa tərəfdarları bu vəsaitin Ukraynaya göndərilməsini həm də kompensasiya kimi qiymətləndirirlər.

Analitiklər hesab edir ki, belə addım həm Avropanın Ukraynaya siyasi və iqtisadi dəstəyini göstərər, həm də Rusiya üzərinə əlavə təzyiq vasitəsi kimi çıxış edə bilər. Planın reallaşması halında, bu, Avropa İttifaqının tarixində ən böyük beynəlxalq aktiv transferlərindən biri olacaq.

Mövlam RZALI,
Gündəm24.az

Oxunub: 28