"Səhərlər qəhvə içən insanların ömrü daha uzun olur".

Gündəmtv.az xəbər verir ki, bu sözləri ispaniyalı kardioloq Aurelio Rojas deyib.

Rojasın sözlərinə görə, alimlərin apardığı araşdırmalara əsasən, qəhvəni yalnız səhərlər içmək vaxtından əvvəl ölüm və ürək xəstəlikləri riskini azaldır: "Əgər bu içki günorta və ya axşam saatlarında qəbul olunarsa, onun faydası tamamilə yoxa çıxır. Bunun səbəbi isə insanın bioloji (sirkadiyal) ritmlərinin pozulması və yuxu-güc hormonlarının səviyyəsinin dəyişməsidir".

Dietoloq Luis Samora da əlavə edib ki, qəhvə təbii olmalı və zərərli qatqılarla zənginləşdirilməməlidir. Məsələn, torrefakto adlı texnologiya ilə, yəni qəhvə dənələrinin şəkərlə birlikdə qovrulması zamanı insan orqanizmi üçün toksik sayılan birləşmələr əmələ gəlir.