“Tikinti müddətində sərnişinlərin daşınması üçün marşrutların hərəkət istiqamətlərində dəyişiklik edilməsi, əlavə xətlərin təşkili və avtobusların sayına yenidən baxılması nəzərdə tutulub".

Gündəm24.az xəbər verir ki, bunu "Yeni Sabah"ın sorğusuna əsasən Azərbaycan Yerüstü Nəqliyyat Agentliyindən (AYNA) bildirilib.

“Bununla bağlı müvafiq təhlil, hesablama və planlama işləri aparılır. Tələbata uyğun zəruri tədbirlər görüləcək. Dəyişikliklərin tikinti dövrünü əhatə etməsi nəzərdə tutulub”, - deyə qurumdan əlavə edilib. Sezar pizza

Xatırladaq ki, "Cəfər Cabbarlı-Nizami" mənzilini birləşdirəcək 200 metrə yaxın tunel tikintisi dövründə sərnişinlərin vaxt itkisini minimuma endirmək üçün “28 May”-“Nizami” stansiyaları arasında müvəqqəti marşrut xətlərinin təşkili təklif edilibr. Tikinti müddətində bu məsafənin avtobuslarla təmin edilməsi nəzərdə tutulur.

"Bakı Metropoliteni" QSC artıq "Cəfər Cabbarlı-Nizami" mənzilini birləşdirəcək 200 metrə yaxın tunelin inşası üçün hazırlıq işlərinə başlayır.

Hazırlıq işləri çərçivəsində 28 May stansiyası ətrafında 2 ərazi qazılacaq. Tikinti meydançalarından biri stansiyanın qarşısında, digəri isə arxa hissəsində, Süleyman Rəhimov və Mirəli Qaşqay küçələrinin kəsişməsindəki avtomobil parklanma sahəsində yerləşir.

Ərazi təhlükəsizlik norma və qaydalarına riayət olunmaqla hasarlanacaq. Bütün müasir standartlarla çətin geoloji şəraitdə diametri 12 metrə yaxın olan şaxtaların qazıntısı başlayacaq. Dərinliyi 30 metrdən çox olan şaxtalar lazımi dərinliyə çatdıqdan sonra əsas tunellərə doğru kiçikhəcmli yanaşma tunelləri qazılacaq. Bununla da şaxtaların qazılmı prosesi yekunlaşacaq".

Proses 4-5 ay müddətində davam edəcək. Metropolitendə hərəkətin təşkilinə heç bir maneə yaratmayacaq. Sərnişinlər metrodan indiyədək olan intervalla istifadəni davam etdirəcək. Aparılan qazma işləri avtobusların hərəkətinə və dəmir yolunun iş qrafikinə heç bir təsir göstərməyəcək"

Oxunub: 56