“Prezident İlham Əliyevin qlobal çağırışlara zamanında çevik reaksiya verərək yürütdüyü siyasət nəinki Azərbaycanın təhlükəsizlik sisteminin daha etibarlı şəkildə təmin olunmasına, həmçinin ölkəmizin dünyada ciddi oyunçu rolunda çıxış etməsi ilə nəticələnib. Cənab Prezident İlham Əliyev bu gün dünya ölkələrini ciddi təhdid altında qoyan mürəkkəb və çətin geosiyasi prosesləri fonunda yürütdüyü uğurlu diplomatiya nəticəsində Azərbaycan üçün fürsətə çevirərək milli maraqlarının təmin olunmasına, daha güclü, qüdrətli dövlətə çevrilməsinə nail olub. Məhz bunun nəticəsidir ki, Azərbaycanın rolu getdikcə daha da artmaqdadır və yeni dünya düzənin formalaşmasında ciddi oyunçu qismində çıxış etməkdədir”.
Bunu Ölkə.Az-a açıqlamasında Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev deyib.
Komitə sədrinin sözlərinə görə, bu yürüdülən çevik və uğurlu siaysətin nəticəsidir ki, Azərbaycan dünyanın enerji, humanitar müstəvidə təhlükəsizlik arxitekturasının təmin olunması istiqamətində dialoq mərkəzinə çevrilib. “Bakıda keçirilən Cənub Qaz Dəhlizi Məşvərət Şurası nazirlərin 11-ci iclası və Yaşıl Enerji Məşvərət Şurası nazirlərin 3-cü iclası da bunun bariz nümunəsidir. Artıq Azərbaycan uzun illərdir ki, Avropanın enerji təhlükəsizlik arxitekturasının təmin olunmasında ciddi rol oynayan ölkələrdən biridir və getdikcə bu rolunu artırmaqdadır. Azərbaycan Avropanın enerji təhlükəszilik arxitekturasının təmin olunmasında daha etibarlı oyunçu rolunda çıxış etmək üçün enerji sahəsini şaxələndirməkdədir”, -o qeyd edib.
Bakıda keçirilən toplantının da bu hədəflərə xidmət etdyini vurğulayan deputat bildirib ki, bu gün Azərbaycan Avrasiya coğrafiyasında neft-qaz xəritəsinin müyyən edib, hazırda isə hədəf alternativ enerji və logistika xəritəsini müəyyən etməkdədir və bu istiqamətdə də uğurlu addımlar atılmadadır: “Əminəm ki, yürüdülən uğurlu siyasət nəticəsində Azərbaycan qazı növbəti mərhələdə daha çox Avropa ölkəsinə çatdırılacaq. Bunun ardınca “yaşıl enerj” sahəsində də ciddi addımlar atılaraq transmilli layihələr icra olunacaq. Nəticədə Azərbaycan həm öz potensialından, həm də Mərkəzi Asiyanın. Xəzər hövzəsinin imkanlarından faydalanmaqla Avropanın enerji təhlükəsizlik arxitekturasının təmin olunmasında əvəzedilməz ölkəyə çevriləcək. Bununla da Azərbaycan Qərblə Şərq arasında yeni regional əməkdaşlıq formatları yaratmaqla Avrasiyanın yeni təhlükəsizlik sisteminin formalaşmasına öz töhfəsini vercək, həm də bu prosesdə ciddi aktor rolunu oynamış olacaq”.
