Rusiya prezidenti Vladimir Putin qapalı şəhər olan Sarova səfəri çərçivəsində atom sənayesi müəssisələrinin əməkdaşları və alimlərlə görüş keçirib.

Gündəm24.az TASS-a istinadən xəbər verir, görüş şəhərin mərkəzindəki Alimlər Evində baş tutub.

Binanın yaxınlığında isə elmi mərkəzin yaradıcısı və sovet atom bombasının müəlliflərindən biri, akademik Yuli Xaritonun abidəsi ucaldılıb.

Qeyd edək ki, bu il Rusiya atom sənayesinin yaranmasının 80 illiyi qeyd olunur. 1945-ci il avqustun 20-də SSRİ Dövlət Müdafiə Komitəsinin sədri İosif Stalin xüsusi komitənin yaradılması barədə qərar imzalayıb. Həmin gün Rusiya atom sənayesinin rəsmi yaranma tarixi hesab olunur. Yubiley münasibətilə artıq Sarov yaxınlığında, Nijni Novqorod şəhərində xatirə tədbirləri keçirilib.

Mövlam RZALI,
Gündəm24.az

Oxunub: 43