Astara Rayon Mərkəzi Xəstəxanasına yeni rəhbər təyin olunub.

Gündəm24.az xəbər verir ki, TƏBİB-in icraçı direktoru Vüqar Qurbanovun əmri ilə bu vəzifəyə Bahadır Əhmədov gətirilib.

Qeyd edək ki, tibb xidməti polkovniki Bahadır Əhmədov əvvəllər hərbi hissədə tibbi xidmət rəisi vəzifəsində çalışıb. O, “Vətən uğrunda” medalı ilə təltif olunub və Vətən müharibəsində ön xəttdə yüzlərlə yaralının həyatının xilas edilməsində xidmətləri ilə fərqlənib.

Xatırladaq ki, xəstəxananın sabiq direktoru Oktay Əmənullayev Cəlilabad Rayon Mərkəzi Xəstəxanasının rəhbəri təyin edilib. Bir neçə gün öncə isə Lənkəran RMX-nın direktoru Ağabala Kəlbiyev vəzifəsindən azad edilmişdi.

Oxunub: 60