İsveç topla Xokkey üzrə beynəlxalq federasiyanın (FIB) konqresində ultimatum formasında Rusiya nümayəndələrinin təşkilatın bütün komitələrindən çıxarılmasını tələb edib.

"Gündəmtv.az" xəbər verir ki, bu barədə Rusiyanın topla Xokkey Federasiyasının prezidenti Boris Skrinnik bildirib.

İsveçli Henrik Nilsson konqresdə norveçli Stein Pederseni əvəz edərək FIB-nin yeni prezidenti seçilib. Rusiyalı Aleksandr Vatutin yeni FİB-in icraiyyə komitəsinə daxil edilməyib.

“Hərəkətin hər mərhələsində İsveç federasiyasının mənfi təsiri, təxribatı var. İsveçlilər rusofobik davranırlar. Onlar ultimatum qoyublar ki, ruslar federasiyada qalsalar, onu tamamilə tərk edəcəklər və dünya çempionatları keçirməyəcəklər. İdmana cavabdeh olan insanlar kimi onların hərəkətlərində peşəkar heç nə yoxdur. Konqres davam edir, biz komitələrə seçki ilə bağlı nə baş verəcəyini, onların tərəfində hansı isteriklərin olacağını görəcəyik”, – TASS Skrinnikdən sitat gətirib.

Skrinnikin sözlərinə görə, o, FİB-in yeni rəhbərindən yaxşı heç nə gözləmir: “Bu açıqlamalardan sonra artıq bəlli idi. Ən əsası isə odur ki, digər milli federasiyalar peşəkar heç nə gözləmir”.