Ukrayna prezidentinin ofisinin rəhbəri Andriy Yermak Rusiya-ABŞ-Ukrayna sammitinin keçirilməsi üçün mümkün yerlər kimi Vatikan, Cenevrə, İstanbul və Səudiyyə Ərəbistanının adını çəkib.

Gündəm24.az xəbər verir ki, o, bu barədə İtaliyanın “Corriere della Sera” qəzetinə müsahibəsində bildirib.

Onun sözlərinə görə, əvvəlcə Rusiya və Ukrayna prezidentləri Vladimir Putin və Volodimir Zelenski arasında danışıqlar, daha sonra isə ABŞ prezidenti Donald Trampın iştirakı ilə üçtərəfli sammit planlaşdırılır.

Yermak görüş yerinin hələ seçilmədiyini, lakin son zamanlar tez-tez danışılan Budapeştin üstünlük təşkil etmədiyini qeyd edib.

Zelenskinin ofisinin rəhbəri həmçinin bildirib ki, Çin Ukrayna münaqişəsinin həllində iştirak edə bilər, lakin o, hələ ki, danışıqların hazırlanmasında iştirak etmir.

Yermak vurğulayıb ki, ərazilərin mümkün mübadiləsi məsələsini yalnız Putin və Zelenski müzakirə edəcək.

Mövlam RZALI,
Gündəm24.az

Oxunub: 38