"Makkinderin konsepsiyası deyir ki, Rusiya və Avropanı (Almaniyanı) yaxınlaşmağa qoymaq olmaz. Eyni sözü digər strateqlər hələ də deyirlər və tətbiq edirlər. Qoymadılar. I və II dünya müharibələrində olduğu kimi".

Bu fikirləri Gündəm24.az-a açıqlamasında politoloq Zaur Məmmədov səsləndirib:

"Vaşinqton ilk müharibədə dünya qızılına sahibləndi, ikinci dünya müharibəsində isə dollara... Bu dəfə isə bir qədər maliyə çağırışları iddiaları fonunda milyardlar əldə edəcək. Hər dəfə "qorxu" obrazı düzəldərək dünya gücləri məqsədlərinə çatırlar. Son 100 ildə köməkçi aktor bəlli ölkədir - Rusiya. Bu dəfə stansiya Kiyev oldu, növbəti dayanacaqlar da var. Real politika budur. Bunu görmək istəməyənlər isə kütlənin qulağına xoş gəlmək üçün "işıqlı dünya barəsində" emosional çağırışlar edəcək və pafoslu nitqləri ilə gah bu tay ilə, gah da o tay ilə təxribata çəkən açıqlamalar verəcəklər.
Fakt bu fotodadır. Tramp Putini qırmızı xalçada alqışladı, Vaşinqtonda isə Avropa liderlərini qabağına qoydu və hökmü oxudu. İsrail - Fələstin arasında yaşananlardakı kimi.

Hər şey Britaniya, Almaniya və Fransa liderlərinin iradəsindən asılıdır. Ukrayna Avropanın müstəqilliyinə və prinsipiallığına ümidlidir. Lakin, ABŞ da əyləşənlərə müstəqil və güclü yox, idarəedilən Avropa lazımdır. Bu 30 il ərzində ancaq Azərbaycan Respublikası MDB məkanında müstəqilliyini qarantiya altına aldı. Türkiyə ilə Şuşa Bəyannaməsi, əsas beynəlxalq aktorlarla sazişlər və çoxtərəfli xarici siyasət. Yaxın vaxtlarda isə Azərbaycan Cənubi Qafqazda beynəlxalq aktorlar və qonşu dövlətlərlə siyasi - iqtisadi - nəqliyyat əməkdaşlığını davam etdirəcək, o cümlədən Zəngəzur dəhlizini yaxın və uzaq ölkələrin əməkdaşlıq platformasına çevirəcək.

Aliyə Ələsgər,
Gündəm24.az

Oxunub: 95