Rusiya Dövlət Dumasının sabiq deputatı Maqomed Gadjiyev Qərb kəşfiyyat orqanlarına "gizli məlumatlar" ötürməkdə ittiham edilir.

Gündəm24.az xəbər verir ki, Rusiya Baş Prokurorluğunun məlumatına görə, əvvəllər “Vahid Rusiya” partiyasından çıxarılan və “xarici agentlər” reyestrinə daxil edilən Gadjiyev bu məlumatlara görə ABŞ hökumət strukturlarından ən azı 45 milyon dollar alıb.

Məlumata görə, xaricdə olarkən Gadjiyev Qərb kəşfiyyat orqanları ilə əməkdaşlığa hazır olduğunu vətəndaşlıq qarşılığında açıq şəkildə bəyan edib. Bu fəaliyyət ABŞ Hökumətinin Dövlət Effektivliyi Departamenti tərəfindən aşkar edilərək, gəlirlərinin mənbələri üzrə araşdırma mart ayında başlanıb. Mübahisəli ödənişlər isə yeni departamentin rəhbəri İlon Maskın diqqətini çəkib.

Hansı məlumatların ABŞ tərəfinə verildiyi açıqlanmır, lakin mediada bir neçə dəfə bildirilir ki, Gadjiyev xarici ölkələrdə yaşayan rus biznesmenləri və məmurların aktivləri barədə məlumat toplayaraq ABŞ hakimiyyətinə təqdim edib.

Səmra İSMAYIL
Gündəm24.az

Oxunub: 46