Ukrayna Prezidenti Volodimir Zelenski Rusiyanın gecə saatlarında ölkənin müxtəlif bölgələrinə endirdiyi raket və aviazərbələrdən sonra beynəlxalq ictimaiyyəti Moskvaya qarşı daha sərt tədbirlər görməyə çağırıb.

Saldırılar nəticəsində Sum vilayətinin Axırka şəhərində 14 nəfər yaralanıb. Xüsusilə bir ailə yardım üçün müraciət edib – onların 4 və 6 yaşlı uşaqları, həmçinin 5 aylıq körpəsi xəsarət alıb.

Gündəm24.az xəbər verir ki, Donetsk vilayətinin Konstantinovka şəhərində KAB bombası ilə həyata keçirilən hücum zamanı 5 çoxmənzilli bina dağılıb, dağıntılar altında hələ də azı 3 nəfərin qaldığı bildirilir. Odessada isə qazpaylayıcı stansiya hədəfə alınıb. Bundan əlavə, Çerniqov, Xarkov və Poltava vilayətləri də zərbələrə məruz qalıb.

“Bütün bunlar nümayişkaranə hücumlardır və bir daha təsdiqləyir ki, Moskvaya təzyiq artırılmalıdır. Yeni sanksiyalar və rüsumlar tətbiq edilməlidir, diplomatiya tam gücü ilə işləməyə başlayana qədər”, – deyə Zelenski bildirib.

Səmra İSMAYIL,
Gündəm24.az

Oxunub: 67