Rusiya Prezidenti Vladimir Putin, ABŞ Prezidenti Donald Tramp və Ukrayna lideri Volodimir Zelenski arasında görüşün Budapeştdə keçirilməsi ehtimalı müzakirə olunsa da, Ukrayna tərəfi bu variantı qəbul etməyə meylli deyil.

Gündəm24.az Globalinfo.az-a istinadən xəbər verir ki, bunun əsas səbəbi 1994-cü ildə imzalanmış Budapeşt Memorandumudur.

Həmin sənəddə ABŞ, Böyük Britaniya və Rusiya Ukraynanın ərazi bütövlüyünə və təhlükəsizliyinə zəmanət vermiş, bunun müqabilində Kiyev nüvə arsenalından imtina etmişdi.

Ancaq sonrakı illərdə bu öhdəliklərin yerinə yetirilməməsi və xüsusilə də Krımın işğalı Ukraynada Budapeşt Memorandumunu mənfi xatirələrlə yadda saxlayıb.

Bu səbəbdən Kiyev rəhbərliyi həmin şəhərdə yüksək səviyyəli sammitin təşkilinə skeptik yanaşır və alternativ görüş məkanlarının seçilməsini üstün tutur.

Oxunub: 33