"WhatsApp" mesencerinə yeni funksiya əlavə ediləcək.
Gündəmtv.Az Oxu.Az-a istinadən xəbər verir ki, bu barədə "WABetaInfo" portalının ekspertləri məlumat verib.

Mütəxəssislər bildiriblər ki, "WhatsApp" digər proqramlardan gələn yazışmalara dair sorğuları qəbul və ya rədd etməyə imkan verəcək funksiya hazırlayır.

Qeyd olunur ki, bu seçim istifadəçilərə kənar platformadan mesaj bildirişlərini qəbul edib-etməməyi seçmək kimi imkanlar verəcək.

Portalın məlumatına görə, hazırda kənar servislərin yazışmaları üçün bildirişlərə nəzarət funksiyası Avropada yaşayan istifadəçilərin cihazlarında sınaqdan keçirilir.

Mütəxəssislərin sözlərinə görə, istifadəçilər bu seçimi istənilən vaxt tənzimləyə biləcəklər. Funksiya hazırda işlənmə mərhələsindədir və gələcək "WhatsApp" yeniləməsində "Android" əməliyyat sistemi ilə işləyən cihazlar üçün əlçatan olacaq.