Son illərdə dünyanın müxtəlif ölkələrində müzakirə edilən mövzulardan biri də iş günlərinin azaldılmasıdır.

Araşdırmalar göstərir ki, işçilərin xoşbəxtliyi birbaşa olaraq şirkətlərin məhsuldarlığına və gəlirliliyinə təsir edir. Xüsusilə həftədə 4 iş günü sistemi həm işçilərin motivasiyasını artırmaq, həm də işəgötürənlər üçün daha yüksək nəticələr əldə etmək baxımından gündəmə gətirilir.

Gündəm24.az Yenisabah.az-a istinadən xəbər verir ki, mütəxəssislərin fikrincə, daha qısa iş həftəsi işçilərin stresini azaldır, iş və şəxsi həyat balansını yaxşılaşdırır. Bu isə uzunmüddətli perspektivdə daha yaradıcı və məhsuldar iş mühitinə səbəb olur. Hazırda bir çox ölkə artıq 4 günlük iş həftəsinə keçid edib və nəticələrin müsbət olduğu bildirilir. Toyuqlu pizza

Bəzi ölkələrdə aparılan testlər göstərib ki, həftədə 4 gün işləyən əməkdaşların işdən məmnunluğu və performansı artır, işdən çıxma halları isə azalır. Lakin eyni zamanda iş qrafikinin qısaldılması bütün sahələrə tətbiq oluna biləcək bir model deyil. Xidmət və istehsalat kimi bəzi sahələrdə bu sistemin tətbiqi daha çətin görünür.

Türkiyədə də bu mövzu getdikcə daha çox müzakirə olunmağa başlayıb. İş dünyasında mütəxəssislər və iqtisadçılar 4 günlük iş həftəsinin tətbiqinin həm əmək bazarına, həm də ümumi iqtisadiyyata təsirini araşdırırlar.

Ekspertlər hesab edir ki, Azərbaycan da daxil olmaqla bir çox ölkədə bu model mərhələli şəkildə sınana bilər. Əgər nəticələr müsbət olarsa, gələcəkdə 4 günlük iş həftəsi daha geniş şəkildə tətbiq oluna bilər.

Oxunub: 21