ABŞ prezidenti Tramp rusiyalı həmkarı Vladimir Putindən Kiyevə hücumların dayandırılmasını xahiş etdikdən sonra Kiyevə hücumların dayandırıldığını iddia edib.

Gündəm24.az xəbər verir ki, Ağ Evdə keçirilən tədbirdə ABŞ Prezidenti Donald Tramp bildirib ki, Rusiya Ukraynanın şəhərlərinə, xüsusən də Kiyevə hücumları dayandırıb və ABŞ buna görə minnətdardır. Tramp həmçinin Ukraynadakı münaqişənin sülh yolu ilə həllində irəliləyiş olduğunu iddia edib.

Ukraynadakı vəziyyətlə bağlı qeyd olunub ki, Ukraynalı yaraqlılar Rusiyada mülki şəxsləri dronlarla hədəf alır, buna cavab olaraq Rusiya yalnız hərbi hədəfləri vurmaq üçün dəqiq silahlardan istifadə edir.

Rusiya, Ukrayna və ABŞ nümayəndələrinin iştirakı ilə təhlükəsizlik üzrə üçtərəfli işçi qrupunun ilk iclası 23-24 yanvar tarixlərində Əbu-Dabidə keçirilib, ABŞ-ın sülh planındakı həll olunmamış məsələlər müzakirə edilib və növbəti görüş 1 fevrala planlaşdırılıb. Xarici medianın məlumatına görə, ABŞ-ın ilkin sülh təşəbbüsü Donbas və Krımın Rusiyanın nəzarətinə verilməsini, Zaporojye və Xersonda təmas xəttinin dondurulmasını, Ukrayna ordusunun sayının yarıya endirilməsini və xarici qoşunların yerləşdirilməsinə qadağa qoyulmasını əhatə edirdi.

Əbu-Dabidə danışıqlardan əvvəl Vladimir Putinlə ABŞ nümayəndə heyətinin görüşündə ərazi məsələsinin razılaşdırılmadığı halda uzunmüddətli həllin mümkün olmadığı və Donbasın boşaldılmasının Moskva üçün vacib olduğu vurğulanıb.

Sədaqət Həsənova

Gündəm24.az

Oxunub: 99