Pentaqon rəsmiləri bildiriblər ki, münaqişə yalnız döyüş meydanında qalmaya və rəqəmsal məkanda davamlı əməliyyatlar və təsir kampaniyalarını da əhatə edə bilər. ABŞ hərbi qurumları mümkün ssenariləri diqqətlə nəzərdən keçirir və əməliyyatların həm fiziki, həm də rəqəmsal sahədə genişlənə biləcəyini vurğulayırlar.

Gündəm24.az xəbər verir ki, CBS bazar ertəsi mənbələrə istinadən bildirib ki, ABŞ administrasiyası İrana qarşı potensial hərbi əməliyyatlarında hava qüvvələrindən və uzaqmənzilli raketlərdən istifadəni əsas element hesab edir. ABŞ prezidenti Donald Tramp İranda mümkün hərbi cavab üçün bir sıra alətlərdən, o cümlədən İranın komandanlıq strukturlarını, rabitəsini və dövlət mediasını pozmaq məqsədli kiber əməliyyat və psixoloji kampaniyalardan xəbərdar edilib.

Rəsmilər açıqlayıb ki, bu əməliyyatlar ənənəvi hərbi güc ilə eyni vaxtda həyata keçirilə bilər və ya müstəqil variant kimi istifadə oluna bilər. Hava qüvvələri və uzaqmənzilli raketlər potensial hərbi cavabın mərkəzində qalır, eyni zamanda Pentaqon rəsmiləri münaqişənin döyüş meydanından kənara çıxması və rəqəmsal məkanda davamlı əməliyyatlar və təsir kampaniyalarını əhatə etməsini nəzərdən keçirirlər.

Eyni zamanda, dekabrın 29-da Tehranda tacirlər İran rialının kəskin ucuzlaşmasına etiraz aksiyaları başlatmış, dekabrın 30-da isə universitet tələbələri şəhərlərin əksəriyyətində iğtişaşlara qoşulmuşdular. İran XİN başçısı Abbas Əraqçi bildirib ki, etirazçılar arasında silahlı terrorçular var və 38 hüquq-mühafizə əməkdaşı həyatını itirib. Tehran iğtişaşları terror aktı adlandıraraq məsuliyyəti İsrail və ABŞ-ın üzərinə qoyub.

Tramp isə daha əvvəl ABŞ-ın İrandakı iğtişaşlara müdaxilə üçün güc tətbiq etməyi nəzərdən keçirdiyini açıqlamışdı. Potensial hücumlara reaksiya variantlarının çərşənbə axşamı prezidentə təqdim olunması gözlənilir.

Sədaqət Həsənova

Gündəm24.az

Oxunub: 215