Məşhurları hədəf alan istintaq çərçivəsində saxlanılan və lazımi prosedurlardan sonra sərbəst buraxılan aktyor Can Yaman, “Polisin bir çox məşhuru saxladığı bir vaxtda narkotiklə gəzdiyimi düşünürsünüzmü?” deyə bildirib.

Gündəm24.az xəbər verir ki, İstanbul Baş Prokurorluğunun Qaçaqmalçılıq və Narkotik Cinayətlərin İstintaq Bürosu tərəfindən aparılan istintaq çərçivəsində ötən həftə altı müəssisəyə basqın edilib. İstintaq zamanı yeddi nəfər “İstifadə məqsədilə narkotik saxlanması” və “Narkotik maddələrin istifadəsinə kömək etmə” ittihamları ilə saxlanılıb. Saxlanılanlar arasında Can Yaman, Selen Görgüzel, Nilüfer Batur Tokgöz, Ayşe Sağlam və Ceren Alper də var.

Can Yaman ifadə prosesi tamamlandıqdan sonra sərbəst buraxılıb və sosial media hesabında açıqlama verib. O, Türkiyə mətbuatını tənqid edərək bildirib:
“Hörmətli İtaliya mətbuatı, Türkiyə mətbuatının hücumları tamamilə yeni bir şey deyil. Amma xahiş edirəm, Bosfordan xəbərləri köçürərkən etdiyin eyni səhvi təkrarlama. Doğrudanmı düşünürsən ki, polis bu qədər məşhuru həbs etdiyi bir vaxtda mən narkotiklə gəzirdim? Əgər bunda ən kiçik bir həqiqət olsaydı, bu qədər tez azadlığa buraxılmazdım və ertəsi gün İtaliyaya qayıda bilməzdim. Səni sevirəm.”

Aktyorun açıqlaması sosial mediada geniş müzakirələrə səbəb olub və Türkiyə mətbuatının sensasion xəbərləri yenidən gündəmə gətirib.

Sədaqət Həsənova

Gündəm24.az

Oxunub: 195