Qazaxıstan Prezidenti Kasım-Jomart Tokayev MDB liderlərinin fiziki hazırlığından danışıb, xüsusən Azərbaycan Prezidenti İlham Əliyevin fiziki hazırlığını qeyd edib.

Gündəmtv.az xəbər verir ki, “Report”un Qazaxıstan bürosunun məlumatına görə, Tokayev bunu “Türkistan” qəzetinə müsahibəsində bildirib.

Qazaxıstan liderinin sözlərinə görə, İlham Əliyev fiziki cəhətdən güclüdür və işini bilərək məşq edir.

MDB-dəki digər həmkarları haqqında danışan Tokayev Qırğızıstan Prezidenti Sadır Japarovun futbol oynadığını, Özbəkistan Prezidenti Şavkat Mirziyoyevin idman zalında məşq etdiyini, Ermənistanın baş naziri Nikol Paşinyanın velosiped sürməklə məşğul olduğunu və Belarus Prezidenti Aleksandr Lukaşenkonun hokkey oynamağa davam etdiyini qeyd edib.

“Rəhmanın (Tacikistan Prezidenti Emoməli Rəhmon – red.) səhhətindən şikayət etmir; o, bərkimiş döyüşçü-dənizçidir”.

“Beləliklə, bütün həmkarlarım əla formadadır”, – o əlavə edib.

Oxunub: 211