“Prezident İlham Əliyevin AMEA-dakı çıxışlarında yer alan tezislər əsasən üç istiqaməti əhatə edir:

Birincisi, dünya üçün, eləcə də ölkəmiz üçün böyük əhəmiyyət daşıyan çağırışlar;

İkincisi, ölkələrin iqtisadi və elmi-texnoloji inkişafının yeni prinsipləri;

Üçüncüsü, ümummilli siyasi-ideoloji dəyərlərin yenidən müəyyənləşdirilməsi”.

Gündəmtv.az Globalinfo.az-a istinadla xəbər verir ki, bu fikirləri AMEA prezidenti İsa Həbibbəyli “Azərbaycan dilinin dövlət dili kimi inkişaf strategiyası: Mövcud vəziyyət və perspektivlər, konfrans”ında çıxışı zamanı deyib.

O bildirib ki, bu gün texnoloji inkişaf olmadan ümumi inkişafın heç bir sahəsində irəliləyişə nail olmaq mümkün deyil:

“Buna görə də texnoloji inkişaf sahəsində görülən işlər strateji əhəmiyyət daşıyır. Rəqəmsallaşma, süni intellekt, kibertəhlükəsizlik və s. sahələr həm ölkənin mövcud inkişaf strategiyasının aparıcı istiqaməti kimi çıxış edir, həm də yeni tarixi mərhələdə əsas prioritetlərdən birinə çevrilir.

Rəqəmsal İnkişaf və Nəqliyyat Nazirliyinin süni intellekt strategiyası, Elm və Təhsil Nazirliyi ilə əməkdaşlıq çərçivəsində yaradılan mərkəzlər, müsabiqələr, Mədəniyyət Nazirliyinin yaradıcılıq sənayesinə verdiyi dəstək — bütün bunlar ölkədə innovativ inkişafın genişləndirilməsinə xidmət edir.

Hazırda Azərbaycan Milli Elmlər Akademiyasında 15 cildlik “Azərbaycan Tarixi”nin hazırlanması prosesi gedir. Bu çox mühüm hadisədir və buradakı konseptual yanaşmalar ölkəmizin elmi fikrinin əsas istiqamətlərini müəyyənləşdirəcək.

Son illərdə əldə olunan yeni arxeoloji və tarixi məlumatlar, müxtəlif dünya arxivlərindən tapılan sənədlər, xəritələr, Sovet dövründən öncəki mənbələr bizim tarixi irsimizi daha geniş əhatə edir. Azərbaycan toponimlərinin iqtisadiyyat, coğrafiya, mədəniyyət və mənəvi irs baxımından araşdırılmasına imkan verəcəkdir”.

Oxunub: 176