2019-cu ildə Azərbaycanın 10 milyonuncu sakini kimi dünyaya gələn Mehriban Həsənova bu il məktəbə başlayır.

Gündəm 24.az xəbər verir ki, onun atası Rauf Həsənov AzEdu.az-a açıqlamasında bildirib ki, qızlarının təhsilinə xüsusi diqqət yetirirlər: “Mehriban indi uşaqdır, həkim olmaq istəyir. Biz gələcəkdə də valideyn olaraq seçimində ona hər zaman dəstək olacağıq”.

Mehriban ailəsi ilə birlikdə Yasamalda yaşayır. Onun bir bacısı var. Anası informatika müəllimi olduğu üçün valideynləri Mehribanın da təhsilini anasının çalışdığı 7 nömrəli tam orta məktəbdə davam etdirməsinə qərar veriblər.

Qeyd edək ki, 2019-cu il aprelin 6-sı Azərbaycan əhalisi rəsmi olaraq 10 milyon nəfərə çatıb. Həmin gün dünyaya gələn körpəyə Azərbaycanın Birinci vitse-prezidenti Mehriban Əliyevanın adı verilib. Prezident İlham Əliyev və birinci xanım ailəni şəxsən təbrik edib, onlara mənzil hədiyyə olunub, körpənin adına isə əlavə maliyyə vəsaiti köçürülüb

Oxunub: 224