ABŞ prezidenti Donald Tramp maliyyəçi Corc Sorosu və ya onun ailə üzvlərini hədəf alaraq, onları etiraz aksiyalarının maliyyələşdirilməsində günahlandırıb. Tramp bəyan edib ki, administrasiyası Soros barəsində istintaqa başlaya bilər.


gundemtv.az xəbər verir ki, Tramp “Fox News”a müsahibəsində bildirib: “Etirazçılar Soros və digər şəxslərdən pul alırlar. Biz Soros işini araşdıracağıq, çünki bu, sadəcə etirazlardan daha çox şeydir. Bu, əslində iğtişaşdır və mən hesab edirəm ki, bu məsələ RICO işi ola bilər”.

Onun sözlərinə görə, məsələ yalnız etirazların təşkili ilə məhdudlaşmır, daha geniş miqyaslı siyasi qarşıdurmalardan xəbər verir. Tramp eyni zamanda qeyd edib ki, hazırda Sorosun hansı ailə üzvünün istintaqa cəlb oluna biləcəyi barədə dəqiq məlumat yoxdur.

Qeyd edək ki, Corc Soros uzun illərdir ABŞ-da Demokrat Partiyasının əsas donorlarından biri hesab olunur və Respublikaçılar onun fəaliyyətini tez-tez tənqid edirlər.

Əli Səfərli,
gundemtv.az

Oxunub: 142