Azərbaycan Mərkəzi Bankının İdarə Heyətinin qərarına əsasən uçot dərəcəsi 7%, faiz dəhlizinin aşağı həddi 6%, yuxarı həddi isə 8% səviyyəsində dəyişməz saxlanılıb.

Gündəm 24.az xəbər verir ki,, 2025-ci ilin iyul ayı üzrə illik inflyasiya 5% təşkil edib.

Ərzaq, alkoqollu içkilər və tütün məmulatları üzrə qiymət artımı 6.2%, ödənişli xidmətlər üzrə 5.6%, qeyri-qida məhsulları üzrə isə 2.1% olub. Baza inflyasiya 4.6% səviyyəsində qərarlaşıb.

Valyuta bazarında təklif tələbi üstələyib. Fiziki şəxslərin dollarla əmanətlərinin payı son 12 ayda 1.5 faiz bəndi azalaraq 2025-ci ilin avqustunda 29.3%-ə düşüb. İlin ilk 6 ayı ərzində cari əməliyyatlar balansında 2.3 milyard ABŞ dolları həcmində müsbət saldo qeydə alınıb. Xarici ticarət balansında isə 1.6 milyard dollar profisit müşahidə olunub.

AZIR indeksi uçot dərəcəsinə yaxınlaşıb. İyulda indeks 7.15%, avqustda 6.97%, sentyabrda isə 6.98% təşkil edib. Bank sektorunun likvidliyi yüksək səviyyədə qalır, təminatsız bazarda əqdlərin sayı ötən ilin eyni dövrü ilə müqayisədə 19% artıb.

Qlobal və daxili risk faktorlarında ciddi dəyişiklik müşahidə olunmur. İnflyasiyanın əsas xarici riskləri idxal qiymətləri və ticarət tərəfdaşlarında qiymət artımı ilə əlaqələndirilir. Daxili risklərə isə xərc amilləri və məcmu tələbin artımı daxildir.

Oxunub: 28