“Qarabağ” futbol klubu ilə “Deloitte Azərbaycan” arasında anlaşma memorandumu imzalanıb.

Gündəm24.az xəbər verir ki, “Azersun Arena”da keçirilən tədbirdə klub prezidenti Tahir Gözəl, media nümayəndələri və digər rəsmi şəxslər işirak edib.

“Qarabağ” klubunun prezidenti Tahir Gözəl çıxışında bu anlaşmanın ətraf mühitin qorunması yönündə təbliğat xarakteri daşıdığını qeyd edib: “Deloitte” şirkəti ilə əməkdaşlığımız COP-29 tədbiri zamanı başladı. Bu şirkət audit və əminlik, vergi və hüquq, konsaltinq, maliyyə və risk üzrə qabaqcıl məsləhət xidmətləri göstərir. İlk dəfə futbol komandası olan “Qarabağ”la yeni tərəfdaşlıq sənədi imzalanır.

Müqavilə bir illikdir, hər il avtomatiq olaraq yenilənir. “Azersun Arena”da led işıqların, elektron maşınların, bannerlərin quraşdırılması nəzərdə tutulub. Əsas məqsdə ətraf mühitin qorunmasıdır. “Qarabağ”a maraq göstərən klublar çoxdur, biz də onların arasında seçim edəcəyik. Təbii ki, əsas sponsorumuz “Azersun Arena” olacaq”.

“Deloitte Azərbaycan”ın nümayəndəsi Nuran Kərimov isə çıxışında regionda ilk dəfə “Qarabağ” klubu ilə əməkdaşlıq etdiklərini qeyd edib: “Klubun son nəticələri, ad-sanı bizim qərarımızda önəmli rol oynadı. Şirkətimizin gələcək illərdə idman sahəsində fəaliyyətinin daha da genişləndirməsi nəzərdə tutulur. Biz digər idman növləri üzrə də maraqlanırıq. Hazırda başqa yerli klublardan bizə hər hansı müraciət yoxdur. Bizim təşkilatın da, elə mənim də idmana böyük marağı var”.

Oxunub: 623