Rusiyanın Federal Vergi Xidməti Azərbaycan əsilli bloger Hüseyn Həsənovun ölkədəki sonuncu şirkətini də ləğv edib.

Gündəm24.az xəbər verir ki, bu barədə Rusiyanın "SHOT" teleqram kanalı məlumat yayıb.

Bildirilib ki, söhbət H.Həsənovun 2023-cü ildə açdığı “Banda Foods” şirkətindən gedir. Şirkət rulon istehsal edib, lakin biznes gəlir gətirməyib.. Şirkətin 800 min rubl (16,7 min manatdan çox) borcu olduğu aşkarlanıb. Bloger borcları ödəməli olsa da, lakin Rusiyanı tərk edib.

Xatırladaq ki, avqustun 20-də vergi xidməti Hüseynin “Banda” MMC şirkətini də ləğv edib.

Mayın 14-də xüsusilə külli miqdarda pul vəsaitlərinin leqallaşdırılması və yuyulması ilə bağlı cinayət işi üzrə axtarışa verildiyi üçün Həsənov barəsində qiyabi həbs qərarı verilib. Bu maddə ilə onu 7 ilədək azadlıqdan məhrumetmə cəzası gözləyir.

Oxunub: 210