ABŞ Prezidenti Donald Tramp Alyaskada keçirilən sammit zamanı rusiyalı həmkarı Vladimir Putinə həyat yoldaşı Melaniya Trampın məktubunu təqdim edib.

Gündəm24.az xəbər verir ki, “Reuters” agentliyi Ağ Evin iki rəsmisinə istinadən yazır ki, Tramp məktubu Putinə danışıqlar zamanı şəxsən çatdırıb. Məktubda Ukraynadakı münaqişə nəticəsində uşaqların oğurlanması məsələsinə toxunulub.

Xatırladaq ki, avqustun 15-də Tramp və Putin məhdud tərkibdə üç saata yaxın görüş keçiriblər. Danışıqlarda hər iki ölkənin xarici siyasət idarələrinin rəhbərləri və onların köməkçiləri iştirak ediblər. Görüşün əsas mövzusu isə Ukrayna böhranının həlli olub.

Səmra İSMAYIL,
Gündəm24.az

Oxunub: 39