2026-cı ildən fermerlər müasir suvarma sistemləri ilə təmin olunan sahələrdə apardıqları taxıl əkinlərinə görə hər hektara 290 manat subsidiya alacaqlar.

Kənd Təsərrüfatı Nazirliyindən Gündəm24.az-a verilən məlumata görə, müasir suvarma sistemləri quraşdırılmayan, ənənəvi üsullarla suvarılan sahələrdə isə bu məbləğ 230 manat təşkil edəcək.

Qeyd edək ki, Aqrar Subsidiya Şurası Azərbaycanda ilk dəfə olaraq dəmyə əkinlərə görə subsidiya ödəmək barədə qərar qəbul edib. Belə ki, dəmyə əkinlərin hər hektarına görə fermerlərə 200 manat subsidiya verilməsi nəzərdə tutulur.

Oxunub: 37