EcoHub-un təşəbbüsü ilə Şamaxı rayonunun Mərzəndiyə kəndi təmiz su ilə təmin olunub.

Sentyabrın 5-də Şamaxı rayonunun Mərzəndiyə kəndində təmiz su ilə təminatı yaxşılaşdırmaq məqsədilə həyata keçirilən layihənin tamamlanması münasibətilə kənd sakinləri ilə görüş keçirilib.

EcoHub-un təşkilatçılığı ilə həyata keçirilən layihə çərçivəsində Pirsaat su mənbəyindən kəndə uzanan 7 km uzunluğunda müxtəlif diametrli magistral su kəməri çəkilib, kəndin içində 60 kubmetrlik su çəni tikilib. Kənd daxilində şəbəkə xətləri çəkilərək hər evə sayğaclı və davamlı su verilməsi təmin edilib.

Ümumilikdə Mərzəndiyə kəndinin 1350 sakini təmiz su ilə təmin olunub. Kəndə çəkilən suyun illik həcmi təqribən 146 milyon litr olaraq hesablanıb.
Tədbir çərçivəsində dövlət və şirkət nümayəndələri kənd ərazisini gəzərək görülən işlərlə tanış olub, sakinlərlə görüşüblər.

Oxunub: 403