26 iyun Silahlı Qüvvələr Günü Qubadlı rayonu Tatar, Qaraqoyunlu, Qiyaslı icmasının nümayəndələri kəndlərinə səfər ediblər. Səfərin məqsədi, kəndlərdə olan şəhidlərin məzarlarını bərpadan sonra ziyarət etmək olub.
Gündəmtv.az xəbər verir ki, ilk öncə Zəngilan şəhər Ağalı kəndində icmanın nümayəndələrinin Cəbrayıl, Qubadlı və Zəngilan rayonlarında Prezidentinin xüsusi nümayəndəsi Vahid Hacıyevlə görüşü olub.
Görüş zamanı işğaldan azad olunmuş ərazilərdə görülən işlər, həyata keçirilən quruculuq layihələri icmanın nümayəndələri tərəfindən rəğbətlə qarşılanmış və öz kəndlərinə köçəcəkləri günü səbrsizliklə gözlədiklərini qeyd etmişlər.
Tatar, Qaraqoyunlu, Qiyaslı icma nümayəndələri həmçinin bu kənddən olan şəhidlər Fəxrəddin Piriyev və Etibar Cəfərovun məzarlarının bərpası zamanı göstərdikləri diqqət və dəstəyə görə Xüsusi Nümayəndiliyə təşəkkürlərini bildirmişlər.
Eyni zamanda Vahid Hacıyevdən ərazilərimizin azad edilməsinə, uzun müddətli yurd həsrətlərinə son qoyulmasına, yurda qayıdış ümidlərinin doğrulmasına görə Prezident İlham Əliyev cənablarına minnətdarlıqlarını çatdırmasını xahiş etmişlər.
