“Kompulsiv həddindən artıq yemək, fiziki aclıq olmadan, əsasən emosional amillərin təsiri altında həddindən artıq miqdarda qida istehlakı ilə xarakterizə olunur”.

Gündəmtv.Az “İzvestiya”ya istinadən xəbər verir ki, bu sözləri dietoloq Kseniya Zabaturina deyib.

Zabaturina qeyd edib ki, emosional “yemək” vərdişi dadlı yemək yeyərkən dopamin və digər nörotransmitterlərin istehsalı səbəbindən formalaşır.

"Beynimiz yeməyi müsbət emosiyalarla əlaqələndirir. Ona görə də bəzən fiziki olaraq ac olmasaq da yemək istəyirik", - o qeyd edib.

Kompulsiv həddindən artıq yeməyin əsas səbəbləri kimi ekspert stress, narahatlıq, kədər kimi emosional vəziyyətləri ön plana çəkib.

“Bu vəziyyətdə yemək mənfi təcrübələrlə mübarizə vasitəsi kimi ortaya çıxır. Bundan əlavə, stresli vəziyyətlərdə orqanizm iştahı artıran kortizol istehsal edir. Bu reaksiya genetik olaraq müəyyən edilir. Orqanizm təhlükə hiss etdiyi anlarda enerji toplamaq məqsədinə fokuslanır, ona görə də insan daha çox yeməlidir”.

Zabaturina, erkən yaşlarından insanda bu istiqamətdə reflekslərin formalaşdığını bildirib.

Mütəxəssis fiziki fəaliyyət, hobbi və ya ünsiyyət vasitəsilə emosional stressi aradan qaldırmağın alternativ yollarını tapmağı məsləhət görür. Zabaturina əlavə edib ki, kompulsiv həddindən artıq yemək ciddi problemə çevrildikdə həftədə ən azı bir dəfə mütəxəssislə məsləhətləşmək lazımdır.( Bizim.Media )