Türkiyə xarici işlər naziri Hakan Fidan IV Antalya Diplomatiya Forumu çərçivəsində ermənistanlı həmkarı Ararat Mirzoyanla görüşüb.
Gündəmtv.az xəbər verir ki, bu barədə Ermənistanın Xarici İşlər Nazirliyi məlumat yayıb.
Məlumata görə, görüş zamanı ikitərəfli məsələlər müzakirə edilib. Həmçinin regional və beynəlxalq proseslər mövzusunda fikir mübadiləsi aparılıb.
Qeyd edək ki, nazirlər sonuncu dəfə 2024-cü ilin oktyabrında İstanbulda görüşüblər.
