Qubadlı rayonunun Tatar,Qaraqoyunlu,Qiyaslı kəndlərinin sakinlərinin ata-baba torpaqlarına bu dəfəki ziyarəti Novruz bayramına təsadüf edib. Kənd sakinləri Novruz bayramını öz doğma yurdlarında qeyd ediblər.
Gündəmtv.az xəbər verir ki, ilk öncə şəhidlərimizin məzarları ziyarət edilb, onların keçdiyi döyüş yolundan və qəhrəmanlıqlarından danışılıb. Daha sonra kəndin mərkəzində bayram ab-havası yaradılıb. Öz adətlərinə uyğun olaraq, şah, vəzir və vəkil məclisə təşrif buyurub. Simvolik seçilən şah öz tapşırıqlarını verərək, sakinləri bayram münasibətilə təbrik edib. Bayram şənliyində oyunlar, səhnələr təşkil olunub, tonqal yandırılıb.
Tədbir xoş xatirələrlə başa çatıb.