Amerika şirkətlərində işləyən, nüfuzlu Qərb universitetlərinin məzunu... Putin Trampı razı salmağa hazırdır.
Putin Rusiya-Ukrayna müharibəsinə son qoymaq üçün sövdələşmə axtarışında Trampın nümayəndələri ilə üz-üzə gəlmək üçün onilliklər boyu yüksək riskli danışıqlarda təcrübəyə malik olduqca nüfuzlu şəxslərdən ibarət komanda toplayır.

Gündəmtv.Az xəbər verir ki, bu barədə "Bloomberg" öz mənbələrinə istinadən yazır.
Onların sözlərinə görə, nümayəndə heyətinə aşağıdakılar daxildir:

Yuri Uşakov - diplomatiya sahəsində yarım əsrdən çox təcrübəsi olan Putinin xarici siyasət üzrə köməkçisi;

Sergey Narışkin - Rusiya Xarici Kəşfiyyat Xidmətinin direktoru, Putinlə birlikdə Sovet DTK-da xidmət etmiş;

Kirill Dmitriyev - Rusiya Birbaşa İnvestisiya Fondunun baş direktoru. "Stenford" və "Harvard"da təhsil alıb və Kreml liderinin ailəsi ilə əlaqələri var. O, Trampın müzakirəçiləri ilə qeyri-rəsmi ünsiyyət kanalı kimi əsas rol oynaya bilər. Qeyd olunur ki, ABŞ-də, özü də McKinsey & Co. və "Goldman Sachs Group Inc." kimi firmalarda iş təcrübəsi olan Dmitriyevin əlavə olunması, Putinin Trampla münasibətlərə uyğunlaşmağa hazır olduğunu göstərir. Dmitriyev amerikalı Vogelin Rusiya həbsxanasından azad edilməsi ilə bağlı danışıqlarda da iştirak edib. O, əslən ukraynalıdır və hazırda Putinin kiçik qızının yaxın dostu ilə evlidir.

“İnsanların seçimi Rusiya liderinin istənilən danışıqlarda müsbət nəticə əldə etməkdə nə qədər qətiyyətli olduğunu, həmçinin, ola bilsin ki, üç il ərzində onun Ukrayna ilə bağlı tələblərinin nə qədər az dəyişdiyini vurğulayır”, - nəşr yazır.

Həm Uşakov, həm də Narışkin 2022-ci ilin fevralında müharibə başlayandan qısa müddət sonra Ukrayna ilə erkən atəşkəs danışıqlarında iştirak ediblər.