Ankarada keçirilən Azərbaycan-Türkiyə-Özbəkistan xarici işlər, iqtisadiyyat/ticarət və nəqliyyat nazirlərinin 2-ci üçtərəfli görüşü çərçivəsində üç ölkənin XİN başçılarının görüşü olub.
Gündəmtv.az xəbər verir ki, görüş zamanı xarici siyasət sahəsində əməkdaşlığın gücləndirilməsi müzakirə olunub.
***
Azərbaycan Respublikasının Xarici İşlər naziri Ceyhun Bayramov hazırda Ankarada Azərbaycan, Türkiyə və Özbəkistanın xarici işlər, ticarət, iqtisadiyyat və nəqliyyat nazirlərinin 2-ci üçtərəfli görüşündə çıxış edir.
Gündəmtv.az xəbər verir ki, C.Bayramov ölkələr arasında üçtərəfli əməkdaşlığın çoxşaxəli xarakterini vurğulayaraq, təhlükəsizlik, iqtisadi inkişaf, ticarət, investisiya, infrastruktur və nəqliyyat-kommunikasiya daxil olmaqla əməkdaşlığın əsas sahələrini qeyd edir.
O, həmçinin Asiyanı Avropaya birləşdirən mühüm ticarət və nəqliyyat marşrutu olan Orta Dəhlizin inkişafı vasitəsilə əməkdaşlığın daha da genişləndirilməsi üçün əlavə imkanları vurğulayır.
Mövcud regional potensialdan istifadə edərək Yaxın Şərq və Əfqanıstan da daxil olmaqla daha geniş regionun sülh, təhlükəsizlik və inkişafına töhfə verməsi də qeyd olunur.
***
Ankarada Türkiyə, Azərbaycan və Özbəkistan arasında II üçtərəfli görüş keçirilir.
Gündəmtv.az xəbər verir ki, iclasda üç ölkənin xarici işlər nazirləri ilə bərabər, iqtisadiyyat və nəqliyyat nazirləri də iştirak edir.
İclasın gündəliyinə xarici siyasət məsələləri və regional əməkdaşlıq, ticarət, iqtisadiyyat və investisiya sahələrində əməkdaşlığın artırılması, regional nəqliyyat şəbəkələrinin inkişafı və nəqliyyat və kommunikasiya sektorlarında əməkdaşlığın gücləndirilməsi daxildir.
Görüş zamanı Orta Dəhlizin önəminin artmasına diqqət çəkiləcəyi, Suriya və Qəzzada baş verənlər, həmçinin, Rusiya-Ukrayna müharibəsinin müzakirə ediləcəyi gözlənilir.
