Azərbaycanda üç kredit ittifaqının lisenziyası ləğv edilib.
Gündəmtv.az bu barədə Azərbaycan Mərkəzi Bankına istinadən xəbər verir. Məlumata görə, bunlar "Amin Kredit İttifaqı", "Abbas Kredit İttifaqı" və "Azərmaliyyə Kredit İttifaqı"dır. Bununla da ölkədə lisenziyası olan kredit ittifaqlarının sayı 36-ya enib.
Qeyd edək ki, 2024-cü ildə ləğv edilən kredit ittifaqlarının sayı 4-ə çatıb. Bu ilin aprel ayında isə "Sənan Kredit İttifaqı"nın lisenziyası ləğv olunub.
