Donald Tramp administrasiyası iradə və niyyət nümayiş etdirsə, Ukraynadakı münaqişə tezliklə həllini tapa bilər.
"Gündəmtv.az" xəbər verir ki, bu sözləri Türkiyə Prezidenti Rəcəb Tayyib Ərdoğan deyib.
“ABŞ başda olmaqla, bəzi Qərb ölkələrinin Ukraynada müharibəyə son qoymaq səyləri bu münaqişənin həllini sürətləndirəcək. Biz əvvəldən sülh tərəfini seçmişik, bizi tərəflərdən birini dəstəkləməyə inandırmaq cəhdlərinə məhəl qoymamışıq. Hər iki tərəflə əlaqə saxladıq, gördük ki, Qərb bu problemin diplomatiya yolu ilə həll olunacağına əminliyimizi kifayət qədər bölüşmür”, - o bildirib.

Ərdoğan qeyd edib ki, daha ​​çox silah, daha çox bomba və daha çox xaos bu müharibəyə son qoymayacaq:

“Daha çox dialoq, daha çox diplomatiya və daha çox razılaşma sülhün qapısını açır”.