Paytaxt sakinləri bəzi Mənzil-Tikinti Kooperativlərindən (MTK) narazıdırlar.
Belə ki, onlar MTK-ların "komendant pulu" adı altında topladıqları vəsaitdən şikayət edirlər.
Bu ödəniş mənzilin sahəsinə (kvadratmetrinə) əsasən hesablanır. Qiymətlər 20 qəpikdən başlayır və bəzi binalarda 2 manata qədər yüksəlir.
Mütəxəssislər hesab edirlər ki, çoxmənzilli binalarda ödənişlərin mənzilin sahəsinə görə təyin edilməsi məntiqli deyil.
Qanunvericiliyə əsasən, bina istismara verilərsə və sakinlərin yarısından çoxu mənzilləri üzərində mülkiyyət hüququ əldə edərsə, həmin binanın MTK tərəfindən idarə edilməsi ləğv edilməlidir.
