Sürücülər, işıqforun sarı işığında keçdikdə cərimələnə bilər, xüsusən də ön şüşələrində çat varsa; Nəqliyyat eksperti Yasin Mustayev, bu məsələnin qanun çərçivəsində izahını təqdim edir. Çatın görüntünü məhdudlaşdırması halında, 50 manat cərimə tətbiq oluna bilər.
İşıqforun sarı işığında keçən və avtomobilinin ön şüşəsi çat olan sürücülər cərimələnə bilərlər.
Bəzən sürücülər işıqforun qırmızı işığının yanmadığını əsas götürərək sarı işıqda keçirlər. Bu səbəbdən də onlara İnzibati Xətalar Məcəlləsinə əsasən cərimə tədbiq edilir.
Gündəmtv.az xəbər verir ki, nəqliyyat eksperti Yasin Mustayev "Xəzər Xəbər"ə deyib ki, istisna hallarda sarı işıqda keçən sürücülərə cərimə tətbiq edilmir.
Nəqliyyat eksperti bəzi sürücülərdə çaşqınlıq yaradan məsələyə də toxunub. Sosial şəbəkələrdə də zaman-zaman avtomobilin ön şüşəsindəki çata görə cərimənin olub-olmadığı müzakirə olunur. Ekspert bildirib ki, bununla bağlı qanunda hansısa maddə yoxdur.
Lakin nəqliyyat vasitəsinin ön şüşəsindəki zədə görüntünü məhdudlaşdıracaq dərəcədədirsə, sahibinə İnzibati Xətalar Məcəlləsinin müvafiq maddəsi ilə və ya "Yol hərəkəti haqqında" qanununa görə 50 manat məbləğində cərimə tətbiq edilir.
